Manchester Unitedi u mposht mbrëmë 1:2 nga Leeds Unitedi në “Old Trafford”, në një ndeshje të Premier League që u ndikua ndjeshëm nga një karton i kuq vendimtar për Lisandro Martinez.
Skuadra vendase u gjend shpejt në disavantazh dhe çdo përpjekje për rikthim u godit rëndë pas përjashtimit të mbrojtësit argjentinas, një moment që ndryshoi rrjedhën e ndeshjes dhe la ekipin në vështirësi të mëdha, shkruan Indeksonline
Pas përfundimit të takimit, Roy Keane reagoi ashpër, duke kritikuar jo vetëm incidentin, por edhe mentalitetin e skuadrës:
Kwasia. Listen to Roy Keane here🤣 pic.twitter.com/OBmWl6L9jk
— IddrissFergie🇬🇭 (@UTD_TLD) April 14, 2026
“Jam duke e parë këtë dhe jam i habitur plotësisht. Je duke humbur 2-0 në ‘Old Trafford’ ndaj Leeds, në një ndeshje ku duhet të tregosh karakter dhe krenari, dhe mbrojtësi yt kryesor përjashtohet sepse i tërheq bishtin e flokëve Dominic Calvert-Lewin. A jemi në një oborr shkolle fillore? Dëgjoj njerëz që justifikohen, duke thënë se ishte një tërheqje e lehtë dhe që VAR nuk duhej të ndërhynte. Nuk më intereson as nëse po përpiqej t’ia bënte gërshet! Është një budallallëk i pabesueshëm. I ke lënë shokët e skuadrës në momentin kur kishin më shumë nevojë për ty.”
Ai paralajmëroi edhe për pasojat në ndeshjet e ardhshme:
“Shikoni situatën ku e kanë futur veten tani. Luajnë me Chelsean të shtunën. Nëse paraqiten me këtë mentalitet të dobët, Liverpool dhe Aston Villa do të kënaqen, dhe United do ta gjejë veten në vendin e pestë deri të dielën në mbrëmje duke pyetur çfarë ndodhi. Je Manchester United, po mundesh plotësisht në shtëpinë tënde nga Leeds, dhe mbrojtësit e tu merren me tërheqje flokësh. Është një turp i madh. Do të më vinte turp të shikoja veten në pasqyrë pas kësaj”, u shpreh legjenda Keane
Kujtojmë që “Djajtë e Kuq” janë në pozitën e tretë me 55 pikë./Indeksonline/
