Policia e Kosovës në raportin ditor ka dhënë detaje shtesë lidhur me incidentin me armë që ka ndodhur dje në Podujevë, i cili shkaktoi panik te qytetarët.
Sipas njoftimit zyrtar, i riu tashmë i arrestuar ka shtënë disa herë me armë automatike në drejtim të dy personave meshkuj, pa i qëlluar ata.
Gjatë ekzaminimit të vendit të ngjarjes, njësitë policore kanë gjetur gjashtë gëzhoja, ndërsa si pasojë e të shtënave janë shkaktuar dëme materiale në dy automjete.
Policia ka konfiskuar nga i dyshuari një pushkë automatike të tipit AK-47, së bashku me një karikator të mbushur me 15 fishekë.
Me urdhër të prokurorit të shtetit, i dyshuari është ndaluar dhe është dërguar në qendrën e mbajtjes për procedura të mëtejme ligjore.
- Advertisement -
