Kryetari i Komunës së Skenderajt, Sami Lushtaku, ka zhvilluar një vizitë zyrtare në Libi, me ftesë të Gjeneralit Feldmarshall Khalifa Belkasem Haftar.
Gjatë kësaj vizite, Lushtaku ka realizuar takime të rëndësishme, ku është diskutuar për çështje me interes të ndërsjellë, duke theksuar rëndësinë e bashkëpunimit, mirëkuptimit dhe forcimit të urave të komunikimit ndërmjet palëve, shkruan Drenica Press.
Ai ka shprehur falënderimin e tij të sinqertë për Gjeneralin Feldmarshall Khalifa Belkasem Haftar për organizimin e shkëlqyer dhe pritjen e përzemërt e vëllazërore.
Sipas tij, mikpritja dhe respekti i treguar janë dëshmi e vullnetit për ndërtimin e marrëdhënieve të mira dhe thellimin e bashkëpunimit në të ardhmen./drenicapress.org/
- Advertisement -
