Aleanca për Ardhmërinë e Kosovës (AAK) ka arritur të dalë fituese vetëm në Komunën e Deçanit, sipas rezultateve preliminare të Komisionit Qendror të Zgjedhjeve për zgjedhjet parlamentare 2025.
Në këtë komunë, AAK-ja ka siguruar 48.19% të votave ose 7,614 vota, duke u renditur e para dhe duke lënë pas subjektet tjera politike, transmeton IndeksOnline.
Në nivel vendi, deri tani AAK-ja ka marrë 5.68% të votave apo gjithsej 49,571 vota, duke u renditur në zonën e partive që luftojnë pragun zgjedhor.
Procesi ende nuk ka përfunduar, pasi kanë mbetur për t’u numëruar votat me postë, votat e personave me nevoja të veçanta dhe votat me kusht, të cilat mund të ndikojnë në përqindjen përfundimtare që do ta arrijë ky subjekt politik i udhëhequr nga Ramush Haradinaj.
Rezultatet finale pritet të japin një pasqyrë më të saktë për fatin e AAK-së në Kuvendin e ardhshëm të Kosovës./IndeksOnline/
