Presidentja e Kosovës, Vjosa Osmani është takuar më Përfaqësuesen e Lartë, Kaja Kallas të cilën, siç u shpreh ajo, e ka falënderuar për mbështetjen në lidhje me integrimin evropian të Kosovës.
Osmani tha se pas njoftimit për heqje të pjesshme të masave, derisa tha se ka theksuar domosdoshmërinë e heqjes së tyre të plotë.
“Në Bruksel, e falënderova Përfaqësuesen e Lartë Kaja Kallas për mbështetjen e saj të vazhdueshme për integrimin evropian të Kosovës. Pas njoftimit për heqje të pjesshme të masave, ritheksova domosdoshmërinë e heqjes së tyre të plotë, meqë të gjitha kushtet e vëna nga Bashkimi Evropian tanimë janë plotësuar”, ka shkruar ajo.
Osmani gjithashtu i ka thënë Kallasit se do të punohet me të gjithë partnerët deri në heqjen e plotë të masave./Indeksonline/
