Qendrim Pirraku nga Drenasi ka përfunduar me sukses specializimin në fushën e kardiokirurgjisë, duke u vlerësuar me notë maksimale. Arritja e tij është cilësuar si e jashtëzakonshme edhe nga profesorë të njohur të kardiokirurgjisë, të cilët kanë vlerësuar lart profesionalizmin, përkushtimin dhe aftësitë e tij klinike, shkruan Drenica Press.
Me këtë sukses, Pirraku bëhet drenicasi i parë që specializohet në kardiokirurgji, duke shënuar një arritje të rëndësishme për komunitetin e tij. Ai ka përfunduar specializimin në moshën 33-vjeçare, duke hapur rrugë për një karrierë të suksesshme në njërën nga fushat më të ndërlikuara të mjekësisë.
- Advertisement -
