Sonte, kandidati i Partisë Demokratike të Kosovës për kryetar të Komunës së Skenderajt, Sami Lushtaku, u prit me ngrohtësi dhe besim të madh nga banorët e Vajnikës, një fshat bujar që ka kontribuar në të gjitha periudhat. Ky takim dëshmoi mbështetje të fuqishme për PDK-në, si parti e dëshmuar në nivelin qendror dhe lokal.
Në fjalën e tij, Lushtaku theksoi se ky besim i madh e fuqizon ekipin e tij për të vazhduar drejt fitores më 12 tetor, duke realizuar programin politik për zhvillimin e Skenderajt. Ai shprehu mirënjohjen për mikpritjen dhe angazhimin e banorëve të Vajnikës në këtë rrugëtim.
PDK-ja është e bashkuar, e vendosur dhe e bindur në fitoren e 12 tetorit, për të vazhduar zhvillimin e Skenderajt me drejtësi, dinjitet dhe punë.
- Advertisement -
