Pas një aksidenti trafiku, dy persona sulmojnë dy të tjerë – Një grua dërgohet në QKUK për trajtim, dy persona janë arrestuar

Një rast sa i rëndë aq edhe i çuditshëm ka ndodhur dje në Mitrovicë.

Pas një aksidenti trafiku, dy persona kanë sulmuar fizikisht një burrë e më pas duke u larguar nga vendi i ngjarjes kanë goditur edhe një grua e cila ka pësuar lëndime të rënda.

Viktima është dërguar në QKUK në Prishtinë për trajtim, ndërsa të dyshuarit janë arrestuar dhe janë dërguar në mbajtje.

Rr. Fadil Deliqi, Mitrovicë Jugu 15.09.2025 – 23:16. Raportohet se pas një aksidenti në trafik, dy të dyshuar meshkuj kosovarë kishin sulmuar fizikisht viktimën mashkull kosovar dhe gjatë largimit nga vendi i ngjarjes kishin goditur edhe një femër duke i shkaktuar lëndime të rënda, e cila ishte dërguar në QKUK Prishtinë. Dy të dyshuarit janë arrestuar dhe pas intervistimit janë dërguar në mbajtje. /Lajmi.net/