Ish-ministri i Punëve të Jashtme, Petrit Selimi, ka folur për dëshminë në Hagë të James Rubin, në kuadër të dëshmitarëve mbrojtës të Hashim Thaçit.
Sipas Selimit, Rubin ka hyrë fuqishëm me dëshminë e tij, për të rikujtuar gjithçka që ka ndodhur në vitet e 90-ta derisa negociohej për një zgjidhje.
“Z. Rubin hyri shumë fuqishëm me dëshminë, për të rikujtuar ato momente shumë të vështira, për z. Thaçi, shokët e tij”, ka thënë Selimi në një intervistë në FRONTAL të T7.
Petrit Selimi ka thënë se Rubin ka rikujtuar rolin politik të Hashim Thaçit dhe tregon se amerikanët e kishin identifikuar Hashim Thaçin si personin me të cilin duhet të komunikohet.
Ish-kryediplomati Selimi ka deklaruar se amerikanët e kishin identifikuar Hashim Thaçin si njeriun që do ta bartte procesin nga lufta, në bombardime, pastaj në demilitarizim dhe demokratizim.
“Në procesin politik, Thaçi u identifikua nga amerikanët, që të bartë procesin nga lufta, në bombbardim, nga bombardmi në demilitarizim dhe demokratizim”, ka shtuar tutje.
