Transporti ajror në Kosovë ka shënuar rritje të dukshme gjatë muajit korrik 2025 krahasuar me periudhën e njëjtë të vitit paraprak.
Sipas të dhënave të publikuara nga Agjencia e Statistikave të Kosovës (ASK), në korrik janë realizuar gjithsej 1,557 fluturime, që paraqet një rritje prej 9.0% krahasuar me korrikun e vitit 2024, ku numri i fluturimeve ishte 1,429.
Edhe numri i udhëtarëve ka shënuar rritje të konsiderueshme, duke arritur në 457,984 udhëtarë, apo 9.4% më shumë se në korrik 2024, kur ishin regjistruar 418,816 udhëtarë.
Nga kjo shifër, 275,603 udhëtarë kanë ardhur në Kosovë, që përbën një rritje prej 11.7%, ndërsa 182,381 udhëtarë kanë udhëtuar jashtë vendit, me një rritje prej 6.0% në krahasim me vitin e kaluar./Indeksonline/
- Advertisement -
