Gjatë vitit 2024, në Shqipëri ishin afro 1 milion e 200 mijë persona të punësuar, tregues që ka pësuar rritje me 1.9% krahasuar me 2023, dhe rreth 110 mijë të papunë.
Sipas të dhënave të INSTAT, sektori i shërbimeve dhe sektori bujqësor kishin përqindjen më të lartë të të punësuarve, ndërsa qarqet me shkallë punësimi më të lartë ishin Kukësi dhe Gjirokastra. Nga ana tjetër, Lezha dhe Vlora kishin shkallën më të ulët të punësimit.
Paga mesatare mujore bruto, për një të punësuar në Shqipëri gjatë vitit që lamë pas ishte 77.485 lekë, tregues që është rritur me 9.8%, referuar të dhënave.
Mes grup-profesioneve më të paguara, ishin menaxherët, ligjvënësit, nënpuësit e lartë të administratës shtetërore, Forcat e Armatosura apo edhe të punësuarit në sektorin e Informacionit dhe Komunikacionit.
Ndërsa më pak të paguarit ishin ata që punuan në bujqësi, zejtarët, artizanët apo edhe ata që punuan në transport e magazinim.
