Shërbimi i Ndihmës së Shpejtë në Beograd ka njoftuar se gjatë mbrëmjes së djeshme dhe orëve të natës janë raportuar gjithsej 103 persona të lënduar, ku pjesa më e madhe e lëndimeve kanë ndodhur në aksidente trafiku.
“Ka pasur 103 të lënduar dhe shumica e tyre janë si pasojë e aksidenteve në komunikacion,” tha për Radiotelevizionin e Serbisë (RTS) Momir Sharac nga Shërbimi i Ndihmës së Shpejtë.
Ai shtoi se aksidenti me numrin më të madh të të lënduarve është regjistruar në rrugën e Zrenjaninit, ku kanë qenë të përfshirë një furgon dhe disa persona.
“Në këtë aksident janë lënduar shtatë persona”, deklaroi Sharac raporton Danas.
Nga ana tjetër, mbrëmë përkrahësit e presidentit serb Aleksandar Vuçiq kanë sulmuar me mjete të forta protestuesit/studentët në Beograd duke bërë që të ndërhyjë edhe policia.
