Gjilani nuk ka gjetur qetësi gjatë kohës së fundit nga ngjarje të tmerrshme që lidhen pikërisht me sistemin e sigurisë e të drejtësisë në vend.
Përpos rastit ku një vajzë e mitur u sulmua në mënyrë brutale nga bashkëmoshataret e tyre Gjilani u trondit edhe me një rast të vrasjes së trefishtë në qendër të qytetit.
Fajdexhiu i njohur për sistemin e drejtësisë në vend, Mefail Shkodra shtiu me armë zjarri në pikë të ditës ku të vdekur mbetën tre persona.
Selami Hasani, Edmond Hasani dhe Abedin Hoxha janë viktimat e këtij rasti derisa në arrati prej 4 ditësh vazhdojnë të jenë Shkodra me dy djemtë e tij Engjull Shkodra dhe Edonis Shkodra.
E nesër në qytetin e Gjilanit do të zhvillohet një protestë kundër sistemit të drejtësisë në vend, saktësisht kundër prokurorisë e Gjykatës të cilat janë cilësuar si të korruptuara.
Protesta mbahet në ora 19:00 tek Gjykata Themelore në Gjilan.
Duhet theksuar se pikërisht tek ky objekt para tri ditësh u shkruan edhe grafite të ndryshme, ndër të tjerash ku flitej për paratë e fajdeve që theksohet se po ndahen bashkë me policët, prokurorët e gjykatësit.
Mefail Shkodra kishte qenë i njohur për sistemin e drejtësisë derisa vitin e kaluar arriti të lirohet nga akuza falë dorëzanisë prej 70 mijë euro./Lajmi.net/
