Sot gjatë ditës, një zjarr ka përfshirë fshatin Abri në Komunën e Skenderajt. Ekipi emergjent gjendet aktualisht në terren, duke shuar zjarrin dhe duke bërë të gjitha përpjekjet për të ndaluar përhapjen e tij.
Sipas burimeve të portalit Drenica Press, ende nuk dihet nëse ka dëme materiale si pasojë e zjarrit, ndërsa autoritetet vazhdojnë monitorimin e situatës në terren.
Zjarri dyshohet të ketë nisur gjatë orëve të paradites dhe po hetohen shkaktarët e tij, ndërsa banorët janë apeluar për kujdes maksimal, veçanërisht në periudhën e thatësirës.
Autoritetet dhe ekipet emergjente janë në gatishmëri dhe bëjnë thirrje për bashkëpunim nga qytetarët në mënyrë që situata të kontrollohet dhe të parandalohet çdo rrezik i mëtejshëm./drenicapress.org
