Veterani i UÇK-së, Agim Pllashniku është ndaluar nga policia e Kosovës pas përplasjes së tij verbale me deputeten e VV-së, Fitore Pacolli.
Rastin për Lajmi.net e ka konfirmuar zëdhënësi i Policisë për rajonin e Prishtinës, Agron Burovci, ku tha se i dyshuari është ftuar për intervistim dhe më pas është lënë i lirë.
“Referuar këtij rasti, i dyshuari është ftuar për intervistim nga ana e policisë dhe me rekomandimin e prokurorit të shtetit ndaj tij është iniciuar një hetim në drejtim të veprës penale ‘’Kanosja’’ dhe i njëjti më pas është proceduar i lirë”, tha Burovci.
