Njësia Speciale e Policisë së Kosovës ka dalë në Veternik të Prishtinës, aty ku është vetëm njëra nga hyrjet e bllokuara nga bizneset që po protestojnë.
Fotografi i Nacionales, Visar Kadrolli ka dërguar pamje ku shihen pjesëtarët e Njësisë Speciale.
Theksojmë se më herët, kryeministri në detyrë, Albin Kurti, përdori gjuhë të ashpër ndaj bizneseve, duke paralajmëruar se nuk do të lejojnë mbajtjen e kësaj proteste.
“Për të mbrojtur 1 për qind të ndërmarrjeve të fuqishme në kurriz të 99 për qindëshit dhe të familjeve anë e mban Kosovës, ata po duan të bëjnë barrikada në hyrje te Prishtinës. Por koha e barrikadave në Kosovë ka kaluar, i kemi hequr ato kudo ku kanë qenë dhe jemi zotuar që nuk do të lejojmë më të reja të vendosen” – ka thënë Kurti, transmeton Nacionale.
