Sot, në 26-vjetorin e rënies heroike, me krenari përkujtohet dëshmori i kombit Fehmi Rama, luftëtar i njësitit special “Tigrat e Zi” në kuadër të Brigadës 111 “Adem Jashari”.
Fehmi Rama ra heroikisht më 14 prill 1999, në moshën vetëm 22-vjeçare, gjatë një përballjeje të ashpër me forcat serbe, duke u flijuar për kauzën e lirisë së popullit shqiptar. Ai ishte simbol i guximit dhe përkushtimit të pashoq për atdheun, dhe veprat e tij do të mbesin përherë në kujtesën tonë kolektive.
“Vepra dhe heroizmi i tij do të jetojnë përherë në kujtesën tonë”, thuhet në postimin e Sami Lushtakut, i cili ka kujtuar me nderim dhe krenari figurën e Fehmi Ramës.
