Kryetari i PDK-së në Skenderaj dhe ish-komandanti i UÇK-së, Sami Lushtaku, ka shprehur pikëllimin e tij të thellë për ndarjen nga jeta të bashkëluftëtarit Haxhi Mecini nga Klina e Epërme, duke e vlerësuar atë si një burrë të urtë, të respektuar dhe një atdhetar të palodhur.
“Haxhi Mecini ishte një burrë i urtë, i respektuar dhe atdhetar i vërtetë, që gjithë jetën ia kushtoi çështjes kombëtare dhe shërbimit ndaj vendit”, ka thënë Lushtaku në reagimin e tij publik.
Ai e vlerësoi lartë kontributin e Mecinit si pjesëtar i Ushtrisë Çlirimtare të Kosovës dhe më pas në periudhën e pasluftës, përmes angazhimit dhe veprës së tij, duke shtuar se ai do të kujtohet gjithmonë me nder dhe respekt nga të gjithë ata që e njohën.
Në fund, Lushtaku u shpreh: “Ngushëllime familjes Mecini, bashkëluftëtarëve, gjithë miqve dhe dashamirëve. U prehtë në paqe!”
https://www.facebook.com/share/p/15X7J6t4b3/?mibextid=wwXIfr
