Një aksident i rëndë ka ndodhur mbrëmë në Grabanicë të Klinës, ku si pasojë e tij janë lënduar 18 persona.
Në këtë aksident u përfshinë katër vetura.
Sipas policisë, deri të aksidenti ka ardhur pasi një nga veturat kishte goditur tri tjerat, të cilat po lëviznin në kahjen e kundërt.
“Ka ndodhur një aksident trafiku në të cilin janë përfshirë katër (4) vetura. Deri te aksidenti ka ardhur kur i dyshuari mashkull kosovar derisa ishte duke drejtuar veturën, nga pakujdesia ka goditur tri vetura të cilat ishin duke lëvizur në kahjen e kundërt” thuhet në njoftimin e policisë.
Tutje, policia ka dhënë detaje edhe mbi gjendjen e të përfshirëve në aksident.
“Si pasojë e aksidentit, lëndime trupore kanë pësuar 18-persona (meshkuj dhe femra kosovarë), tre prej tyre fëmijë të moshave të ndryshme. Të lënduarve u është ofruar tretman mjekësor, ku shtatë prej tyre janë ndaluar për trajtim mjekësorë, ndërsa të lënduarit tjerë (11) pas tretmanit mjekësor janë liruar. Rasti është duke u hetuar.”
Mbi aksidentin detaje dha mbrëmë edhe Spitali i Pejës.
Sipas Spitalit, në mesin e të lënduarve kishte dhe gra shtatzëna dhe fëmijë.
“Ndonëse është herët për konstatime gjendja e të lënduarëve aktualisht është stabile dhe besojmë jashtë rrezikut për jetë.
Mjekët dhe ekipet kujdestare po bëjnë të pamundurën që të ofrojnë përkujdesin e nevojshëm shëndetësor secilit të lënduar.
Deri më tani 3 pacientë është dërguar në QKUK, 5 pacientë janë shtrirë për trajtim të mëtutjeshëm ndërsa pacientët e tjerë pas trajtimit janë liruar për shërim në shtëpi” ka deklaruar Spitali.
