Kryeministri Albin Kurti, pas qëndrimit gjashtë-ditor në Greqi, ka shkuar në Francë për Festivalin e Filmit të Cannes.
Mediumi francez ‘Canal +’ ka publikuar pamje përgjatë momentit të parakalimit të kryeministrit Kurti, i shoqëruar nga familja e tij, në tepihun e kuq në festivalin e filmit, shkruan Gazeta Express.
Kurti ka shkuar në premierë të filmit “Pa vend” nga Kosova për të cilin tha se mori duartorkitje të gjata nga publiku në sallën Debssy në Cannes.
“Nga 3.739 filma të metrazhit të shkurtër nga mbarë bota komiteti selektues i Festivalit të Cannes sivjet i ka përzgjedhur 10 sosh. Në mesin e tyre është edhe filmi nga Kosova “Pa vend” i regjisorit Samir Karahoda i cili sot mori duartrokitje të gjata nga publiku këtu në sallën Debussy në Cannes. Ishte kjo premiera botërore e këtij filmi kurse në fillim të muajit gusht ai do të shfaqet në Festivalin Dokufest në Prizren”, ka shkruar ai për filmin.
