Me krijimin e qeverisë Kurti II, shumë emra të rinj u bënë pjesë e Kuvendit të Kosovës.
Ashtu siç edhe u garanton ligji me kuotën femërore, janë gjithësej 41 femra që iu është besuar mandati i deputetes.
Secila nga to përmes biografisë, kanë zbuluar statusin civil.
Bazuar në radhitjen alfabetike në web-faqen e Kuvendit, si beqare është deklaruar Adelina Grainca, e cila nuk ka shumë ditë që aderoi nga PDK në Lëvizjen e Albin Kurtit.
Beqare, ka thënë se është edhe ish- ministrja e Mjedisit dhe Planifikimit Hapësinor, Albena Reshitaj.
Mitrovicasja, Arjeta Fejza, poashtu ka bërë me dije se është beqare.
Një deputete tjetër e kuvendit të Kosovës nga radhët e VV-së është edhe Arta Bajralija.
Kontabilistja në fjalë ka treguar në statusin e saj civil se është beqare.
Statusin e beqares e mban edhe Eliza Hoxha, deputetja e Partisë Demokratike të Kosovës (PDK).
Në biografinë e saj, Fjolla Ujkani, deputetja që vije nga një fshat i Vushtrrisë poashtu ka treguar se është beqare.
Deputetja e PDK-së, Floretë Zejnullahu e cila ka bërë me dije se ka studiuar për Farmaci, gjithashtu është beqare.
Beqare është edhe deputetja që vije nga komuna e Skenderajt, Ganimete Musliu.
Beqare janë deklaruar edhe tri deputetet tjera Yllza Hoti, Saranda Bogujevci si dhe Rrezarta Krasniqi.
Status të njejtë në biografinë e saj mban edhe deputetja nga Aleanca për Ardhmërinë e Kosovës, Time Kadrija.
