Në kohën kur po bëhen debate të shumta në lidhje me çështjen e zgjedhjes së presidentit të ri të Kosovës, partitë politike kanë filluar të tregojnë pozicionit e tyre karshi kësaj situate.
Kryetari në detyrë i PDK-së, Enver Hoxhaj, përmes një statusi në Facebook, ka shkruar se PDK-ja nuk shantazhohet dhe nuk do të lejoj që dikush ta marr peng shtetin e Kosovës.
Ai ka theksuar se si parti politike janë të gatshëm të ulen të bisedojnë me të gjitha partitë paralamentar për tejkalimin e krizës insitucionale dhe të zgjedhin një president dinjitoz.
Ai tutje ka theksuar se partia e tij nuk do të bëhet palë e një procesi që do të prodhonte një president që thellon përçarjen e brendshme dhe e izolon Kosovën jashtë.
Hoxhaj po ashtu ka shprehur qëndrimin se barrikadimi pas propozimeve individuale, ende pa filluar një diskutim politik ndërmjet partive parlamentare, është i dëmshëm dhe nuk e ndihmon tejkalimin e krizës por vetëm thellimin e saj.
