Pas homazheve te varri i aktivistit të ndjerë të LVV-së, Astrit Dehari, në përvjetorin e katërt të vdekjes së tij, shefi i grupit parlamentar të Vetëvendosjes, Rexhep Selimi, pritet që për pak të arrijë te zyrat e EULEX-it në Fushë-Kosovë, raporton Gazeta Express.
T7 që është duke qëndruar në vend të ngjarjes merr vesh që për pak minuta Selimi pritet të arrijë në zyrat e EULEX-it.
Pastaj, i njëjti do të niset për në Hagë.
Selimit i është konfirmuar aktakuza nga Specialja mbrëmë. Lajmin e ka bërë të ditur vetë Selimi përmes një shkrimi në Facebook. /Express/
