I krahasoj me qen endacakë , një grup të rinjsh që dolën të falin namazin e inkindisë në sheshin “Skënderbeu”, ndërsa sot organizata “Studenti Ideal”, ka dorëzuar kallëzim penal ndaj ish profesorit Gani Mehmetaj.
“Ashtu siç edhe paralajmëruam, sot me datë 28.05.2020 (ditë e enjte), në shoqërinë e dy avokatëve, e dorëzuam në prokurorinë themelore në Prishtinë kallëzimin penal ndaj ish-profesorit Gani Mehmetaj, për shkak të fyerjes së besimtarëve që dolën në shesh, duke i quajtur “qen endacakë” e që padyshim shumica e tyre ishin studentë e ndoshta edhe studentë të tij”, thuhet në njoftimin e kësaj organizate.
Tutje kjo orgnizat shpreson që prokuroria të sjellë para drejtësisë këtë person, i cili shkeli në mënyrë flagrante kodin penal të RKS (neni 141 (Nxitja e përçarjes dhe mosdurimit), neni 190 (Shkelja e statusit të barabartë të shtetasve dhe banorëve të Republikës së Kosovës) neni 38 [Liria e Besimit, e Ndërgjegjes dhe e Fesë] etj.
Ky është postimi i plotë i tij:
Beduinët para shtatorës se Gjergj Kastriotit
Po u falet në rrugë do t’u rrah si qentë, i pati kërcënuar ish kryeministri i ndjerë Bajram Rexhepi, krahun islamik të Isisit, kur dolën me një copës beze të faleshin si beduinët në shkretëtirë. Islamikët e ulën bishtin dhe ikën.
E kisha në plan t’i rrihja dhe t’i tërhiqja zvarrë, me pati thënë kryeministri i ndjerë në një koktej kineastësh.
Dje islamikët e Partisë Demokratike të Kosovës, e provokuan rëndë rendin dhe qetësinë, e rrezikuan shëndetin publik, duke i ngrehur të prapmet drejt qiellit në Sheshin “Gjergj Kastrioti-Skënderbeu”. Dje qeverisja e Vetëvendosjes ra në provim, sepse lejoi ushtarët e islamit të shpërfillnin shtetin dhe të përdhosnin Sheshin “Gjergj Kastrioti”.
Dje i dhamë një porosi të qartë evropianëve, forcat kriminale të islamit, përpiqen të na pengojnë ne integrimin evropianë, duan që ne të mbetemi vazhdimësi e arabëve, dhe anadollakëve, ashtu sikurse bëjnë çdo vjet islamikët në Tiranë.
Shteti nuk duhej të lejonte cirk- faljen, nuk duhej të ligështohej para islamikëve të Isisit, duhej të mbronte jetën e shëndetin e qytetarëve.
Krahu islamik i Partisë Demokratike të Kosovës prapë do të bëjë presion në shesh e në xhami, myslimanët janë instrument i fortë i tyre, por shteti nuk duhet t’ua luaj bishtin, por t’i godas. Është në rrezik jeta e kombit, sepse ata që do të falën në xhami a në shesh, pastaj do ta përhapin virusin si minjtë kolerën.
