Ish-zëvendësministri i Punëve të Brendshme, Isa Xhemajlaj, nga NISMA është rikthyer në punën e tij të vjetër.
Ai do të punon në Ministrinë e Mbrojtjes si shërbyes civil, ku punoi nga viti 2010-2017.
Xhemajlaj ka thënë për Reporteri.net se ai nuk ka nisur punë të re, veç është rikthyer në pozitën që e ka mbajtur për disa vite në Forcën e Sigurisë së Kosovës.
“Kam qenë aty, dhe ligji e mundëson me u lajmëruar në punën paraprake. Unë prej vitit 2010 jam në FSK, tash jam rikthyer në punë ku kam qenë gjatë viteve 2010-2017. Është pozitë e majorit A3, si shërbyes civil”, tha Xhemajlaj për Reporteri.net.
Kujtojmë se Xhemajlaj ishte zv.ministër në Qeverinë “Haradinaj” nga partia e Fatmir Limajt.
