Me rastin e ndarjes nga jeta e “Bilbilit të Kosovës”, Nexhmije Pagarusha në çdo media përmendet kënga që e bëri të pavdekshme, pra “Baresha”, e cila është shkruar nga poeti i madh që vjen nga Drenica, Rifat Kukaj, shkruan Drenica Press
Por edhe pse kjo këngë është një perlë e pavdekshme në muzikën shqiptare, rrallë kush e kishte ditur që këtë këngë e shkroi një poet nga Drenica.
Është pikërisht poeti i ndjerë Rifat Kukaj nga fshati Terstenik i Komunës së Drenasit, i cili shkroi këtë këngë që me interpretimin e Nexhmije Pagarushës do të bëhej një këngë e pavdekshme, ku me këtë këngë Nexhmija do të arrijë kulmin e karrierës së saj, shkruan Drenica Press.
Rifat Kukaj u lind me 25 tetor të vitit 1939 në fshatin Terstenik të komunës së Drenasit, ndërsa ndërroi jetë me 11 shtator 2005.
Kukaj është autor i shumë veprash, sidomos u shqua në letërsinë për fëmijë me veprat si: Xhuxhi nga Taxhuxhi – dramë humorisitike, Lepuri me pesë këmbë – skenarë filmi artistik, Kokërmeli e Pilivesa (1971) – roman, Dita e xhufkave (1972)- roman, Shkrepi i Diellit (1972)- roman, Minaku i përhimtë (1973)- roman, Vjollca magjike (1974)- roman, Rrasa e Zogut (1975)- roman, Droja (1978)- roman, Dreri me një bri (1986)- roman, Xhuxhi nga Xhuxhishta (1998)- roman, Zogu i bardhe -roman, Gogozheli i Gogozhinës (1999)- roman, shkurtabiqi më i madh në botë {2000} – roman (botoi: URA), Fshehtësia e breshkës (2002)- roman, Majmuni me kurorë mbretërore (2003)- roman, Fshati i Pishës (1969)- libër poezishë (botoi: NOVA MAKEDONIJA), Shtepia ime ka sy
Kënga Baresha u krijua me interpretimin e Nexhmije Pagarushës, ndërsa muzikën e realizoj: Rexho Mulliqi, kurse tekstin e këngës e shkroi Rifat Kukaj
Muzikën e Ekzekutoi orkestra popullore e Radio Prishtinës, nën drejtimin e Isak Muçollit, në vitin 1966./DRENICA PRESS/
