Lidhja Demokratike në Gjilan ka zhgënjyer me numrin e votave që ka marrë, duke dalur kështu pas Lëvizjes Vetëvendosje.
Ndërsa sa i përket fshatit Llovcë, nga vjen i pari i kësaj komune, Lutfi Haziri, LDK mori 44 vota, shkruan Metro.
LVV në Gjilan mori plot 17 mijë e 864 vota apo 39.75 për qind të të gjitha votave, LDK në anën tjetër mori 12 mijë e 217 vota apo 27.18 për qind.
Ndonëse gjilanasit nuk i bindi edhe aq, Lutfi Haziri në fshatin e tij të lindjes fitoi mbi gjysmën e votave.
Në qendrën e votimit 0446d, në fshatin Llovcë, sipas KQZ-së i LDK mori 44 vota apo 52.38 për qind të numrit të përgjithshëm
Kujtojmë se zgjedhjet e përgjithshme parlamentare u mbajtën më 6 tetor, deri më tani fituese e këtyre zgjedhjeve është Lëvizja Vetëvendosje me 203 mijë e 052 vota apo 25.49 për qind, pasuar nga LDK doli e dyta me 197 mijë e 702 vota apo 24.82 për qind të votave.
