Rreth 1 milionë e 900 mijë kosovarë, të dielën nga ora 7 e mëngjesit, pritet të drejtohen në qendrat e votimit në gjithë territorin e Kosovës.
Në hyrje të Fakultetit Filologjik në Prishtinë, janë vendosur shenjat treguese të sallave.
Në qendrën e dytë më të madhe në Kosovë, në çdo hyrje të sallave, shihen edhe ndalesat se çfarë nuk i lejohet një votuesi.
Por pavarësisht kësaj, këtu duket që ende nuk është sjell i gjithë materiali i nevojshëm.
Materiali sensitiv do të sillet të dielën herët në mëngjes.
Krejt çfarë i mbetet votuesit kosovar të dielën është ndjekja e këtyre udhëzimeve të vendosura.
Ndërsa bindjen e tyre politike, do ta vendosin brenda këtyre kutive.Brenda klasave, shihen edhe lista me emrat e gjithë kandidatëve të subjekteve politike në vend.
Ndërkohë, të gatshëm për votim, duken që janë edhe qytetarët e Prishtinës.
E të njëjtën gjë, e thonë edhe në Këshillin Qendror të Zgjedhjeve.
Ndërkohë, Policia e Kosovës, ka bërë me dije që ka bërë të gjitha planifikimet e nevojshme operacionale, për mbarëvajtjen e procesit zgjedhor.
Për angazhim maksimal gjatë të dielës janë zotuar edhe nga KEDS.
