Kanë përfunduar dy ndeshjet e Superligës së Kosovës në futboll.
Feronikeli e ka mposhtur në udhëtim Dukagjinin me rezultat të pastër 2-0.
Golat për Niklin në këtë takim u shënuan nga Kastriot Rexha dhe Mevlan Zeka.
Në ndeshjen tjetër Drita dhe Trepça 89 luajtën baraz 1-1. Të parët në epërsi kaluan mysafirët me anë të Arb Manajt, ndërsa golin e barazimit për Intelektualët e shënoi Fortunato.
Kujtojmë që më vonë luhet ndeshja Prishtina-Gjilani në stadiumin Fadil Vokrri.
