Një person është lënduar si pasojë e një aksidenti që ka ndodhur mbrëmë rrugës për në Batllavë.
Lajmin e ka konfirmuar, zëdhënësi i Policisë së Kosovës, Bajram Krasniqi, i cili ka thënë se një person ka mbetur i lënduar.
“Mund të konfirmojë se një vetëaksident ka ndodhur rreth orës 22:05 afër liqenit të Batllavës ku një person ka mbetur i lënduar. Këto janë informacionet që janë deri më tani, ndërsa Policia e Kosovës është duke u marrë me rastin”, ka thënë Krasniqi.
Në vendin e ngjarjes, janë parë zyrtarët policorë dhe ekipet mjekësore.
