Komuna e Drenasit ka bërë të ditur se po vazhdojnë punimet në pastrimin e lumit “Drenica” dhe mbi 35 kilometra janë afër përfundimit, transmeton Drenica Press
Drejtoria e Infrastrukturës Lokale është duke vazhduar në implementimin e projekteve të planifikuara për këtë vit. Në mesin dhjetëra projekte të kësaj drejtorie, këtë vit ka vazhduar edhe pastrimin, thellimi dhe zgjerimi i lumit “Drenica” dhe “Vërbica”.
Pastrimi, thellimi dhe zgjerimi i këtyre lumenjve ka gjatësinë afër 35 kilometra dhe atë në këto drejtime; nga fshati Çikatovë e Re në drejtim të fshatit Gllobar, Tërstenik I dhe II, Polluzhë deri në kufi me fshatrat e Komunës së Skenderajt, pastaj ka vazhduar në fshatin Vërboc. Rregullimi i shtratit të lumit Drenica është në lloton 5 dhe 6, ndërsa janë duke u punuar në llot 7 nga Zabeli i Ulët në drejtim të Negrocit.
Kujtojmë se për zgjerimin, thellimin dhe pastrimin e lumit “Drenica” dhe “Vërbica” është duke vazhduar llot 1, 2 dhe 3, nga “Guri i Plakës” në fshatin Dobroshec në drejtim të Drenasit dhe Komoranit, thuhet në njoftim. /Drenica Press/
