Motra e kandidates për deputete nga radhët e koalicionit AAK-PSD, Shqipe Kastratit, i ka dalë në mbështetje kandidates për kryeministre nga radhët e LDK-së, Vjosa Osmani. Pavarësisht se motra e saj do të garojë në koalicionin AAK-PSD, ajo ka thënë se në zgjedhjet e 6 tetorit do të votojë për Osmanin.
Përmes Facebook-ut, Afërdita Krasniqi-Hoti ka thënë se e do të motrën, por më shumë e do Kosovën. Këtij postimi, ajo ia ka bashkangjitur edhe fotografinë e Vjosa Osmanit dhe atë të Shqipe Kastratit.
“Motra ime Shqipe Kastrati është në listën për deputete të AAK-PSD në nr. 93. Kush voton për këtë koalicion le të voton për motrën time”, ka shkruar ajo.
