Të huajt tani kopjojnë kreativitetin e artistëve tanë!
Elvana Gjata njihet si ndjë nder artistet shqiptare që gjithmonë ka sjellë stil të ri dhe modern, si në muzikë ashtu edhe në dukje dhe videoklipet e saj gjithmonë të realizuar me shumë profesionalizëm.
Artistja gjatë këtij viti ka qenë shumë e angazhuar në projekte të reja, duke publikuar vazhdimisht këngë që janë shndërruar hite, gjatë gjithë sezonës së verës e madje edhe gjatë gjithë këtij viti, shkruan Gazeta Express.
Ndërsa videoklipi i bukur i Elvanës, më i fundit që ka publikuar, siç duket ka inspiruar edhe këngëtaren me famë botërore, Miley Cyrus.
Këngëtarja e njohur amerikane ka publikuar dje me videoklip këngën e saj të re të titulluar ‘Slide Away’. Për një ditë, kjo këngë ka arritur që t’i mbledhë mbi 6 milionë klikime.
Por ajo që vërehet në videon e publikuar është ngjashmëria me skenat e këngëtares së njohur shqiptare, Elvana Gjatës.
Në videon e këngës “A m’don” të Elvana Gjatës ka ngjashmëri të dukshme të skenave me videon e këngës ‘Slide Away’ të Miley Cyrus.
Elvana Gjata këngën e ka publikuar më 8 gusht të këtij viti.
Miley gjatë muajit të kaluar ka vizituar për herë të parë një vend shqiptar, pasi ka ardhur në Kosovë për të performuar në festivalin ‘Sunny Hill’.
E pikërisht gjatë kësaj periudhe për Mileyn është për folur shumë për ndarjen e saj pas një kohe të shkurtër që qëndroi e martuar me Chris Hemsworth.
E kjo këngë flet pikërisht për këtë ndarje, ndërsa Miley shfaqet si një vajzë që është e ngopur nga festat./Gazeta Express/
