Partisë Demokratike të Kosovës të krijuar nga Hashim Thaçi, në krye të së cilës tani është Kadri Veseli ndër vite i janë bashkuar shumë artistë vendor, shkruan Gazeta Metro.
Shumë vite më parë rep artisti Memli Krasniqi, iu bashkua PDK’së, në të cilën arriti famë politike të paparë, të dy u bën ministra.
Në këtë parti ka edhe artistë tjerë si këngëtarët, Genc Prelvukaj dhe Eliza Hoxha, pastaj aktorët e serialit ‘ O sa mirë’ Ard Islami, Fisnik Ademi dhe Arta Nitaj.
Ndërsa së fundi shkrimtari dhe rokeri i grupit ‘Gjurmëve’ Migjen Kelmendi i është bashkuar Partisë Demokratike të Kosovës. I pari i kësaj partie Kadri Veseli e ka mirëpritur aderimin e tij, duke theksuar se kjo dëshmon se të gjitha rrugët të çojnë në PDK.
“Të gjitha rrugët çojnë në PDK. Migjen Kelmendi ka lënë shenjat e tij në historinë e Kosovës, me art, me publicistikë, me angazhim intelektual në luftë dhe në paqe. Gjurmët e tij tani do t’i shohim edhe në ndërtimin e së ardhmes së shtetit tonë”, ka thënë Veseli.
