Këngëtarit të njohur kosovarë, Afrim Muqiqi, ia kanë mbuluar kokën me para në një dasmë të mbajtur së fundi në qytetin e Prizrenit, raporton Portali “Front Online”.
Sipas disa fotografive që i ka siguruar “Front Online”, këngëtari i njohur i muzikës popullore shihet i mbuluar me bankënota prej 50 euro, ku nikoqirët e dasmës dhe mysafirët e pranishëm në këtë aheng familjarë ia kanë lidhur në kokë një shirit, të cilin e kanë mbushur me para.
Sezona e verës është më profitabilja për këngëtarët kosovarë, ku çmimet e këngëtarëve të popullarizuar dhe orkestrës së tyre për një dasmë thuhet se kalon shifrën prej 5000 euro.
Megjithatë, numri i këngëtarëve që paguajnë tatim për Administratën Tatimore të Kosovës (ATK) është shumë i vogël.
Për shkak të mospagesës së detyrimeve tatimore, mediet në vend në fillim të këtij viti kishin raportuar se disa këngëtarëve kosovarë, mes të cilëve edhe Afrim Muqiqit, i është ndaluar hyrja në Shtetet e Bashkuara të Amerikës (SHBA).
Përpos Muqiqit, autoritet amerikane, sipas raportimeve mediale, ia kanë refuzuar vizat dhe ia kanë ndaluar hyrjen në SHBA edhe Genës, Shkëlzen Jetishit (Xeni), Majk, etj.
/Front Online/
