Edhe ne mund t’i ndihmojmë në forma të ndryshme ata që rrezikojnë jetën për të na shpëtuar kur jemi në situata të vështira.
Ekipit të Shërbimit të Zjarrfikësve, që shpeshherë gjendet përballë rrezikut nga flaket dhe fatkeqësitë tjera të natyrës, në përpjekje për të shpëtuar jetë njerëzish dhe pasurinë e përgjithshme, i ka ndihmuar Komuna e Skenderajt me aq sa ka pas mundësi, në funksion të përmirësimit të kushteve, pajisje të punës dhe mjete të domosdoshme për veprimtarinë e tyre.
Ndërkaq sot, nismës për t’u dal në ndihmë zjarrfikësve, pas kërkesës së kryetarit Jashari, i është bashkuar edhe firma “Ismet Commerce”, e cila ka dhuruar inventarë të brendshëm, shtretër dhe set tavoline me karrige për Shërbimin e Zjarrfikësve dhe Shpëtimit.
Me këtë rast, kryetari Jashari ka falënderuar firmën në fjalë, dhe gjithë të tjerët që u kanë ndihmuar zjarrfikësve tanë!
