Për të bërë të pamundur kalimin e magjistrales në mes për këmbësorët dhe të gjithë ata që që rrezikojnë kalimin mes përmes sot në rrugën “Wesley Clark” të Stanocit janë vendosur barrierat metalike në shiritin ndarës.
Vendosja e pengesave metalike vjen pas një kërkese të këshillit të fshatrave Stanoc i Epërm dhe Stanoc i Epërm në Ministrinë e Infrastrukturës, e cila i është përgjigjur pozitivisht kësaj kërkese.
Pengesat metalike janë vendosur në gjatësi prej 600 metra dhe janë afër vendkalimeve në mënyrë që të nxisin banorët e kësaj ane të përdorin nënkalimet dhe shmangin rrezikun nga automjetet në lëvizje.
Këtë e ka njoftuar edhe Ymer Haradinaj, asambleist i Lëvizjes Vetëvendosje nga kjo anë në Kuvendin Komunal të Vushtrrisë.
- Advertisement -
