Tuzla e cila është njëra ndër qytetet më të mëdha të Bosnjës dhe Hercegovinës dhe që ndodhet 120 kilometra në verilindje të Sarajevës, ka shpallur të dielën gjendjen e fatkeqësisë natyrore për shkak të përmbytjeve.
Të reshurat e mëdha të shiut kanë shkaktuar lumenjtë që të dalin nga shtretërit e tyre, kështu duke vërshuar rreth 60 objekte te banimit, shkruan Xinhuanet, transmeton Klan Kosova.
“Deri më tani kanë ndodhur dhjetë rrëshqitje të dheut dhe për shkak të reshjeve të shiut në vazhdimësi pritet të zhvillohen edhe rrëshqitje tjera të tokës”, ka bërë të ditur Departamenti i Mbrojtjes Civile.
- Advertisement -
