Në prezencën e mijëra njerëzve në Rumlang të Zvicrës, të premten i është dhënë lamtumira e fundit Rinor Bunjakut, i cili u nda tragjikisht nga jeta më 26 prill.
Kjo bëhet e ditur në komunikatën e dërguar nga Komuna e Gjilanit, njofton Klan Kosova.
Në ceremoninë e varrimit ka marrë pjesë edhe kryetari i Gjilanit, Lutfi Haziri, i cili ka thënë se do ta kujtojnë gjithmonë si djalë të hareshëm e të buzëqeshur.
“Në emër të qytetarëve të Gjilanit, sot jam i pranishëm i pranishëm dhe jam me Ju, familjen Bunjaku. Shpirti i bardhë i Rinorit sot ndahet nga ne, por do të jetojmë me kujtimet, buzëqeshjen dhe përqafimet e tij. Lamtumirë engjëlli ynë”, ka thënë Haziri.
- Advertisement -
