Vetë lojtari ka shkruar në Instagram që do të jetë pjesë e “Zonjës së Vjetër”.
Juventusi ka nisur të mendojë për të ardhmen. Ishte përfolur prej kohësh që bardhezinjtë kanë marrë talentin e Flamengos, Wesley dhe tashmë duket se gjithçka është konfirmuar.
Ka qenë vetë 19-vjeçari, i cili me një foto të postuar në llogarinë e tij në Instagram, ka shuar dyshimet. Ai është një lojtar i Juventusit tashmë dhe ka kaluar në Torino si lojtar i lirë.
“Një histori e re që Zoti shkruar ka për mua”, ka shkruar braziliani në përshkrimin e fotos.
Wesley luan si mbrojtës i krahut të djathtë dhe dy vite më parë u shpall kampion Bote me Brazilin U-17.
