Drejtoria për Infrastrukturë Lokale, njofton se punimet për rregullimin e kanalizimit fekal në fshatin Abri e Epërme, përkatësisht në lagjen Hajdari dhe Muliqi është duke vazhduar, ndërsa ne lagjen Deliu për shkak të pengesave nga ana e disa banorëve të kësaj lagje, punimet janë ndërprerë përkohësisht.
Arsyeja e ndërprerjes së punimeve në realizimin e këtij projekti, është se njëri nga banorët e kësaj lagje, ka kushtëzuar menaxherin e projektit për zgjatjen e projektit edhe për 1000 metra, dhe si rezultat i mos marrëveshjes në mes banorëve të kësaj lagje, punimet janë ndërprerë, pasi që nuk ka mundësi të realizohet kërkesa e tyre, sepse gjatësia e shtrirjes së kanalizimit është e limituar sipas projektit. Pengesa ne këtë lagje ne shtrirjen e projektit të kanalizimit ka edhe të natyrës pronësore.
Kërkesa e banorëve të lagjes Deliu dhe lagjeve tjera për zgjatjen e këtij projekti do të shikohet që në fazën e dytë të projektit të plotësohen kërkesat e tyre.
