Armando Sadiku ka shënuar gol spektakolar në Zvicër për Luganon, por skuadra e tij në fund mori vetëm një pikë kundër Baselit. Më në fund, kishte edhe disa minuta për Edon Zhegrovën.
Lugano ka marrë vetëm një pikë në udhëtim te Baseli, kjo falë paraqitjes mbresëlënëse të Armando Sadikut, i cili hyri në lojë në pjesën e dytë dhe ndihmoi skuadrën e tij me gol, shkruan Gazeta Express.
Sulmuesi i Kombëtares shqiptare shënoi një gol të bukur për ta kaluar Luganon në epërsi në minutën e 67’.
Por, vendasit, me Taulant Xhakën dhe Albian Ajetin si titullar, barazuan gjithçka në minutën e 73’. Marek Suchy shënoi për 1-1, që doli të jetë rezultati përfundimtar i këtij takimi.
Në këtë ndeshje kishte disa minuta më në fund edhe për Edon Zhegrovës.
19-vjeçari i talentuar i Kosovës, që nuk po gjen hapësira as te Baseli, hyri në lojë në minutën e 83’ – vetëm paraqitja e tretë kjo për klubin zviceran që prej trasnferimit në janar nga Genku.
Më parë, është paraqitur vetëm 7’ minuta me Xamaxin dhe 24’ të tjerë me 10 mars kundër Luganos. /Gazeta Express/
