Sot shënohet 20 vjetori i Masakrës së Rezallës ku u vranë 98 civilë me 5 prill të vitit 1999 , ku një pjesë e tyre më shumë se një dekadë rezultaun si të zhdukur gjersa eshtrat e tyre u kthyen në vendilindje, shkruan Drenica Press.
Për të përkujtuar Masakrën e Rezallës në Skenderaj, sot kryetari i PDK-së në Skenderaj, Sami Lushtaku së bashku me ish Komandantit e Ushtrisë Çlirimtare të Kosovës, Sylejman Selimi dhe anëtarë të PDK-së bënë homazhe para varreve të te rënëve në fshatin Rezallë.
Lidhur me Masakrën e Rezallës, Sami Lushtaku u shpreh: Përiudha Mars-Qershor 1999 ishte më e rënda për Ushtrinë Çlirimtare të Kosovës dhe popullin e saj. Serbisë i kishte ardhur fundi në Kosovë e në shenjë hakmarrje, ata kryen krime mizore në gjithë Kosovën. Me 5 Prill 1999 në Rezallë, 98 civilë nga ky fshat dhe ato përreth saj, u vranë e u masakruan nga policia e ushtria serbe. Shumë nga ta janë edhe sot e tutje të zhdukur. Me gjeneralin Sylejman Selimi dhe bashkëpunëtorë, sot bëmë nderime para varreve të martirëve në Rezallë. Ne kërkojmë drejtësi për këto krime të kryera nga ushtria dhe policia serbe, jo vetëm në Rezallë, por në gjithë Kosovën.
Lavdi martirëve të Rezallës.
SL
