Një makinë e policisë u sulmua papritur nga jelek-verdhët duke traumatizuar dhe frikësuar policët që ndodheshin në të.
Ngjarja ndodhi në qytetin e Lyonit ku sipas raportimeve furgoni në të cilin ndodheshin dy policët u rrethua nga jelek-verdhët të cilët pastaj e përmbysën atë.
France police vehicle attacked by protests – wave of Yellow Vest protests held for the 14th weekend in a row. #Acte14 #Lyon pic.twitter.com/9cVhNRAzK0
— iixxii (@iixxii) February 18, 2019
Në internet qarkulluan video të shumta të personave që qëllonin me mjete të forta dhe gurë barbarisht furgonin e policisë.
Policët të cilët u bllokuan dhe u qëlluan nga masat e jelek-verdhëve arritën të shpëtojnë pa pësuar lëndime.
Ministri i Brendshëm francez Christophe Castaner u shpreh në Twitter dhuna e përdorur ndaj policëve është e padurueshme, ndërsa zyrtarë të lartë të policisë u shprehën se mbështesin kolegët e tyre dhe se është hapur një hetim për incidentin.
Protestat filluan si një lëvizje kundër rritjes së çmimit të karburantit dhe u shndërruan në një rebelim kundër politikave liberale ekonomike dhe sociale të presidentit francez Emmanuel Macron.
