Muaji i Ramazanit në Komunën e Vushtrrisë pritet me një traditë e solidaritet të veçantë.
E tillë është edhe iniciativa e bashkatdhetarëve nga Gjermania të cilët kanë vendosur që të paguajnë bukën për të gjitha familjet e kësaj komune që nuk kanë mundësi ta blejnë bukën, shkruan “Zeri.info”.
Kjo është bërë e ditur nga Drejtori Komunal për Shëndetësi, Sylejma Meholli.
“Muaji i Ramazanit në Komunën tone, pritet me një traditë, respekt e solidaritet të veçantë. E tillë është edhe iniciativa e bashkatdhetarëve tanë nga Gjermania të cilët përmes një miku të tyre më lutën të njoftojë se: bashkatdhetarët tanë në Gjermani kanë vendosur të paguajnë bukën për të gjitha ato familje që nuk kanë mundësi ta paguajnë bukën gjatë këtij muaji”, ka shkruar Meholli. /Zëri/
