Sonte, në televizionin T7, në emisionin “Tête-à-tête” me Berat Buzhalën, është intervistuar Burim Ramadani, njërin nga të dënuarit në rastin “Kiçina”.
Burim Ramadani ka folur për deklaratat që i ka bërë Blerim Kiçina në rastin “Kiçina”, mbi deklarata e të cilit edhe është shpallur dënimi.
“Blerim Kiçina neve ka akuzuar që ne kemi marr pare për ta vrara Hamës Hajrën. Blerimi në atë kohë ka qenë i mitur. Deklaratat e tij janë ndryshuar kohë pas kohe. Blerimi gjatë dëshmisë së parë thotë se nuk e njoh Burim Ramadanin. Blerimi ka filluar që të jap dëshmi fill pas vrasjes”.
Ai ka treguar se Blerimi në disa raste ka thënë se ka qenë ne vend të ngjarjes e herë thotë se s’ka qenë aty.
“Blerimi është intervistuar na disa ndërkombëtar dhe shqiptar”, ka thënë ai.
Burim Ramadani thotë po ashtu se në intervistimin e Blerimit ka marrë pjesë edhe polici Fadil Syleviqi.
“Unë e di që edhe Syleviqi e ka qenë gjatë intervistimit të Blerimit. Ai e ka mohuar këtë, por edhe xhirimit e kanë treguar se Fadil Syleviqi ia ka bërë 33 pyetje Blerimit”, ka thënë Ramadani.
Burim Ramadani, vëllai i tij Arsimi, dhe tre vëllezër nga familja Kiçina, ishin dënuar me nga 30 vjet burgim për vrasje të rëndë të një familjeje 5 anëtarëshe, në vitin 2001.
Në dhjetorin e vitit të kaluar, presidenti i Kosovës, Hashim Thaçi, me dekret ua ka falur dënimin vëllezërve Ramadani, si dhe Arben Kiçinës. /Express/
