Sot në krye të shtetit, Ramush Haradinaj, kryeministër dhe Hashim Thaçi, president i vendit kanë një qasje krejt tjetër ndaj njëri-tjetrit për dallim nga dy vite më parë.
Kishte qenë viti 2016 kur Haradinajt e quante të pashkollë presidentin e sotëm të Kosovës. Hashim Thaçi sipas tij nuk i kishte as dy ditë shkollë.
“Çka më ka çuditë Hashim Thaçi është se thotë se është njëfarë historiani, qaty u pa që ai s’ka krye kurrë shkollë i ngrati. Përnime unë nuk besoj që ai njeri i ka bë dy ditë shkollë. Me fol për kufij, nuk besoj se ka ndonjë kufi më të përgjakshëm në Ballkan se Çakorri e ai është historian demek ‘unë e kam kryer histori’ e tash ai po thotë se nuk kemi humbë tokë se ka ardhur [kufiri] në Kuqishtë”.
“Nuk ka kufij që ka qenë arenë e luftimeve më shumë edhe mulla Idriz Seferi se edhe ajo ka me qenë temë andej ka Serbia”, kishte deklaruar Haradinaj kur po e komentonte qëndrimin e Thaçit për demarkacionin mes Kosovës dhe Malit të Zi.
Këtë deklaratë të Haradinajt e ka komentuar sot analisti Imer Mushkolaj.
“Dikur Ramushi thoshte për Hashimin se nuk i ka dy ditë shkollë. Qysh, pra, po ia beson fatin e vendit një të pashkolli? I njëjti brum”, ka shkruar Mushkolaj.
