Analistja politike, Laura Kryeziu, ka komentuar deportimin e gjashtë shtetasve turq, duke thënë se gylenistët janë në 150 vende të botës dhe Kosova është vendi i parë ku ka ndodhur një veprim i tillë.
Madje, Kryeziu që është e ftuar në Zona e Debatit në Klan Kosova ka thënë se Kosova është para një pikëpyetje të madhe.
“Duhet të jemi shumë të kujdesshëm se duket se jemi në një pikëpyetje të madhe, a kemi qëndrim pro perëndimor apo po i nënshtrohemi një miku që është shndërruar në një person autoritar ndaj vendeve të tjera”.
“Erdogan ka tendencë ta trajtojë vetëm si sulltan”.
Ajo ka thënë se nuk e sheh se ka pasë deklarata të pamatura nga ana e Kosovës.
“Neve kurrë më shumë nuk na është vënë në pikëpyetje integriteti i institucioneve tona”.
“Ne kemi miqësi më të rëndësishme që nuk duhet ta luhasin, që është me SHBA-të”.
“Mungon një reagim i fuqive të mëdha ndaj këtij rasti, por institucionet që merren me të Drejtat e Njeriut janë jashtëzakonisht të shqetësuara se çka do të rezultojë kjo për Kosovën”.
