Në përkujtim të 19-vjetorit të masakrës së Rezallës Kryetari i Skenderajt, z. Bekim Jashari, së bashku me Nënkryetarin, z. Nuredin Lushtaku, kryesuesen e kuvendit komunal, znj. Fatbardha Haliti, drejtorët komunal, zv/ministrin, z. Abdyl Imeri, asamblistë bënë homazhe pranë lapidarit të varrezave në Rezallë si dhe vendosën nga një lule për secilin varr. Poashtu, Kryetari Jashari, për të bërë homazhe pranë lapidarit të varrezave i shoqëroi edhe ministrin, Abelard Tahiri dhe këshilltarin e kryeministrit, Jahja Lluka.
Në përkujtim të 19-vjetorit të të rënëve për Liri dhe Pavarësi, bënë homazhe dhe vendosën lule edhe në varrezat në Polac.
Në përkujtim të masakrës në Rezallë, u mbajt edhe një manifestim përkujtimorë.
Të pranishëm në këtë manifestim ishin, Kryetari i Skenderajt, z. Bekim Jashari, përfaqësues të Familjes Jashari, z. Rifat Jashari, ministri i drejtësisë, z. Abelard Tahiri, zv/ministri për punë dhe mirëqenie sociale, z. Abdyl Imeri, përfaqësues të nivelit qendror, deputetë, përfaqësues të shoqatave të dalura nga lufta, si dhe shumë qytetarë.
Në këtë manifestim, të pranishmëve iu drejtua me një fjal rasti edhe, Kryetari, z. Bekim Jashari. Poshtu teatri i qytetit kishte përgatitur disa monologe të cilat i shfaqen gjatë këtij manifestimi përkujtimorë.
