Ministri i Infrastrukturës Pal Lekaj ka komentuar kërcënimet e fundit të presidentit të Turqisë Recep Tayyip Erdogan ndaj kryeministrit Haradinaj.
Kujton se Kosova ka shpallur pavarësinë.
“Ne jemi shtet i pavarur dhe dihet zinxhiri komandues”, thotë Lekaj.
Sipas tij Kosova nuk do lejojë askënd që të ndërhyjë në punët e brendshme të vendit.
“Ne jemi shtet i pavarur dhe nuk lejojmë që askush të na përzihet në punët e brendshme”, tha Lekaj.
“Me siguri në ditët në vijim do të deklarohet kryeministri Haradinaj”, theksoi ai.
Presidenti turk e ka kërcënuar Haradinajn pasi ky i fundit shkarkoi Ministrin e Punëve të Brendshme dhe shefin e AKI’së në lidhe me arrestimin dhe dëbimin e gjashtë shtetasve turq.
Sipas Erdoganit i pari i ekzekutivit në Kosovë do të jap ‘llogari’ për këto veprime.
Ndaj kërcënimeve nga shteti i Turqisë kanë reaguar zyrtarë institucional dhe nga shoqëria civile.
Ndërkohë, vetë Haradinaj ende nuk ka folur rreth këtyre deklaratave.
